潮食地

Open Now

Now Closed

喺長沙灣嘅studio練習完，非常肚餓想食飽啲，謝太就向我推介呢間佢食過嘅新式茶餐廳。裝修非常新淨，而且設計有特色。食物水準都超班，完全係意料之外。特意推介俾大家😉午餐板燒極上牛西冷（意粉）$68除咗意粉外更可選擇飯或薯菜，醬汁方面可選擇黑椒汁或燒汁，跟餐奉送熱飲或餐湯，撐他方面有忌廉湯或中湯選擇。今次選擇了中湯，估唔到茶餐廳例都咁滋味。牛西冷都好唔錯，雖然不是貴價牛肉，但非常用心烹調令牛肉口感、味道都很吸引。而更餐的意粉簡直是出色，沒有想過茶餐廳可以做出這樣的水準，完全是意大利餐廳煮出來的質素,是al dente的口感。紅柚梳打（凍特飲+$10）梳打水是冰杯在根罐上，等於喝了兩杯，份量非常十足。特選常餐秘製沙嗲牛肉麵$54 +香滑炒蛋 +牛乳吐司謝太已經係第二次嚟食呢個餐，沙嗲牛肉分量超多，而且謝太表示牛肉非常嫩滑。偷食了謝太半份吐司及炒蛋，吐司嘅兩邊都塗滿牛油，烤得非常香，炒蛋份量多而且滑溜。難怪謝太為咗呢個餐而再度光臨。我離開時剛好係下午茶時間，睇到其他食客嘅下午茶都相當豐富，有菠蘿油再加滷水雞髀加紅豆冰，下次要來試一次佢咁正嘅下午茶。