Felice Cafe & Pasta (Closed)

今天來到了銅鑼灣閒逛，發現不少高質Cafe，眾多店舖之下選擇了這間小店，支持一下。內在環境舒適有家的感覺、店員服務親切、坐得後整體感覺良好。首先叫咗個牛油果卡邦尼意粉，意粉熟度煮到剛剛好爽口彈牙，配上半熟蛋、煙肉碎、芝士，卡邦尼意粉好食高質又夠味。最最最重點係加入牛油果作為配菜、牛油果新鮮，牛油果嘅出現降低整體意粉嘅油膩感，越食越覺得兩者好夾，食唔停口🤪。另一款意粉就叫咗鹹蛋黃醬蟹肉扁意粉，蟹肉、鹹蛋黃份量都夠多，每啖意粉都有鹹蛋黃嘅香味，蟹肉同鹹蛋黃配合之下，令到意粉風味提升，喜歡口味濃郁嘅你就要試吓啦。飲品方面，叫咗Oreo士多啤梨乳酸，士多啤梨🍓味配上乳酸梳打，飲落好清新好Fresh，加上面頭嘅Oreo碎，整體都好開胃。另一杯就叫咗牛油果🥑沙冰。估唔到牛油果都仲可以做到沙冰，而且出嚟嘅效果相當之好。牛油果味清淡，加上沙冰，絕對係飽足一餐完嘅首選飲品，舒服😌得黎又清新。最後總結整體感覺良好，店員服務態度很好👍🏻、環境舒適、如果大家有時間不妨幫襯下身邊嘅小店💪🏻。