Video
Read full review
2023-06-19
378 views
💎總評分：8.5/10-大家知唔知Kagawa喺邊？係日本四國東北部嘅香川縣🇯🇵，亦係餐廳主理人&總廚三原光史先生嘅家鄉👨🏼🍳，所以設計menu菜式嘅時候引入左唔少家鄉食材，令意大利菜注入日式料理元素🇮🇹。餐廳嘅concept係「意食，日煮」，賣點除左自家製手工pasta🍝、日本空運過嚟嘅海鮮🦞，仲有bar枱for鐵板燒♨️，好多元化！裝修亦都好有feel，木牆木枱互相襯托，喺吊燈同植物嘅點綴下顯得有格調🕯️。1️⃣ Bottomless Mussels & Fries $388/person估唔到星期一至星期三6pm後竟然有free flow青口薯條🍟！A la carte上面叫一份要$158，依家一個價錢任食晒三種口味🤗，包括Butter Garlic，Tomato，White Wine，開酒仲有9折💰，食兩round就回本啦！Tomato個醬蕃茄味好濃郁🍅，入面仲有Bacon，butter garlic離遠都聞到超香🧄，相比下經典white wine較為清淡但帶有酒香🍾。青口size雖然不一，都好多大大隻新鮮肥美👌🏻，仲要presentation幾靚仔！食兩round冇難度😋！2️⃣ Tr
-
大家知唔知Kagawa喺邊？係日本四國東北部嘅香川縣🇯🇵，亦係餐廳主理人&總廚三原光史先生嘅家鄉👨🏼🍳，所以設計menu菜式嘅時候引入左唔少家鄉食材，令意大利菜注入日式料理元素🇮🇹。餐廳嘅concept係「意食，日煮」，賣點除左自家製手工pasta🍝、日本空運過嚟嘅海鮮🦞，仲有bar枱for鐵板燒♨️，好多元化！裝修亦都好有feel，木牆木枱互相襯托，喺吊燈同植物嘅點綴下顯得有格調🕯️。
1️⃣ Bottomless Mussels & Fries $388/person
估唔到星期一至星期三6pm後竟然有free flow青口薯條🍟！A la carte上面叫一份要$158，依家一個價錢任食晒三種口味🤗，包括Butter Garlic，Tomato，White Wine，開酒仲有9折💰，食兩round就回本啦！
Tomato個醬蕃茄味好濃郁🍅，入面仲有Bacon，butter garlic離遠都聞到超香🧄，相比下經典white wine較為清淡但帶有酒香🍾。青口size雖然不一，都好多大大隻新鮮肥美👌🏻，仲要presentation幾靚仔！食兩round冇難度😋！
2️⃣ Trippa all Kagawa $85
經典的意大利國民小食🇮🇹！有D似Shakshuka，同樣係蕃茄醬底中間有隻好吸睛嘅太陽蛋🍳，但係主角係燉牛肚，喺西餐入面比較少見，因為外國人通常都俾人一種感覺係唔食內臟😆，牛肚切成絲，燉得入味，用附送嘅麵包點D醬汁食超好味🫶🏻！
3️⃣ Ajillo of the Day $148
店員大力推介！眾所周知意大利出名橄欖油🫒，呢道starter嘅主角除咗大家見到嘅大蝦🦐、西蘭花、蘑菇之外，就係橄欖油嘅香味同埋原粒日本獨子蒜🧄，所有食材新鮮，配搭健康，好吃👍🏻！
今次叫左free flow mussels就無叫太多其他野，純粹試多兩個starters同埋一枝white配反海鮮🥂，無論環境服務定係食物質素都滿意，符合地段價位🫶🏻。平日dinner都坐8成滿，見其他枱食其他main都好精緻🥰，下次有機會會試下~
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
Post
