新記雞粥 (鴻禧大廈)

Open Now

Now Closed

我好似大部分人咁，耐唔耐就想encore食某d野~今日返緊工嘅時候就好想食乳鴿，因此，我又黎啦！今日點解咁多人？7點幾就要等位啦？🔆紅燒元朗脆皮乳鴿$59 - 今次我再唔會同人分享，一於我自己食一隻！水準依然，香脆肉嫩，先發現原來我係可以食兩隻。我知加$16有埋野飲同飯，但隔離枱嘅伯伯碟飯真係好吸引，於是.....🔆XO醬叉燒炒蛋飯$56 - 於是我咪叫左呢碟飯囉，同阿伯個碟一樣賣相正。個炒蛋仲有少少蛋汁，蛋香同咸叉燒蓋住白飯，上面仲有XO醬，味道複雜得黎唔膩口，唔怪得咁多人叫啦！🔆欖菜肉碎四季豆$52 - 而家d豬肉咁貴，仲肯比咁多肉碎嘅？有欖菜調味，係有菜有肉嘅拌飯好朋友👭！🔆除此之外，仲食左蝦米腸同豆漿呢d粥品店必點嘅小食飲品，飽肚又豐富，滿足又開心嘅晚餐圓滿結束。