新泉發潮州飯店 (Closed)

我成日同friend出旺角行街，晚上見到呢間打冷鋪成日好多人等位，那晚我同   兩個friend特登嚟食下，因為我地都好食打冷。入到去D格局有D大排檔feel，夠親民。叫咗炸大腸，椒鹽九肚魚，韮菜豬紅，鹵水鵝，鹵水什錦，我最愛食潮州鹵味，D鹵水餓入晒味，陳年鹵水香醇帶甘甜，鵝肉獨特肉味，越吃越滋味，鹵水什錦中鵝腸和豬大腸最好吃，爽彈煙韌又豐膄，吸收晒鹵汁香，好好食。另外炸大腸也很巧手，腸皮炸得脆，入面夠又軟腍，有一種肥的"蘇"香，好食到連友人也叫了支青島啤啤下。我唔啤叫了支玉泉忌廉，配番椒鹽九肚魚，炸得香脆，椒鹽味又出，魚味好，呢餐打冷水準好，後會再有期。