鱈卵屋 (Closed)

本身對明太子無特別喜好，今晚之後，我愛上左呢個味道！今晚喺朋友介紹下黎左銅鑼灣鱈卵屋，裝飾好「精緻」，而且有個操唔流利既日本師傅坐鎮，感覺好日式。一坐低就俾個筷子座吸引左，係零食黎架，雖然唔好味，不過好有心思！點左個明太烏冬，明太子係鱈魚既魚卵，彈牙既烏冬面配上明太子，味道特別，好味道，重點推介。而超鍾意食蛋既我當然唔會放過餐牌上注目既明太子蛋卷，d魚卵好足料，多到咇埋出黎，配上滑滑蛋卷，味道咸咸地有d辣，朋友就點埋d蘿蔔蓉黎食，可能我重口味，覺得夠味道而且一d都唔腥。另外點左餐廳招牌菜特式三食飯，顧名思義，者係有3種食法，餐牌上有中文教學，首先將碗飯撈埋佢，為第一種食法，然後可加上配送既配料，撈埋佢，第二種食法，味道會多d變化，最後第三種食法，加魚湯變湯飯，亦係我最鍾意既食飯，d湯暖胃又有鮮味，配埋d魚生好得意。最後想一讚餐廳侍應，非常有禮，好似置身日本咁，會再帶朋友上黎👍🏼👍🏼👍🏼