愛上米線 (美輪大廈) (Closed)

有日經過見到呢間米線店，門口menu好吸引，係香港本地口味，湯底每日新鮮熬製，仲要以天然海鹽調味，唔落味精！堂食係可以任添飯添米線😳，而外賣每款主食仲要減10蚊，一於去試一試。 🍴芫茜皮蛋脆鯇魚湯米線一上枱就見到d食材堆到成座山咁😆，脆鯇好新鮮，一d都唔腥，湯底係魚湯亦好有鮮味，而米線就非常柔滑。 🍴紅燒排骨湯米線(牛骨湯)有牛骨湯/豬骨湯可以選擇，今次揀左牛骨湯，牛骨味濃郁，有淡淡既藥材味，飲落好滋補。紅燒排骨煮得好入味，尤其是八角味道好出。 🍴柴火香乾炒肉拌米線配料有炸黃豆好特別，脆卜卜，豆乾同五花腩片都炒得好香好乾身，五花腩片既油份逼晒出黎，完全唔會油膩，肥膏部分食落係爽口既😋。 跟餐小食🍴麻辣豬耳朵非常惹味，又麻又辣，豬耳軟嫩，軟骨部分又脆口，多層次既口感。 🍴剁椒皮蛋皮蛋入口口感柔滑，上面既剁椒增加風味，但又唔會好辣。 🍴醋香青瓜白木耳白木耳係比較少見，珍珠白既顏色好吸引阿❤，食落口係同青瓜一樣脆脆的，醃得好入味。 平時食完外賣都會覺得好頸渴，今次真係一d都唔渴，果然冇落味精👍。店員服務都好好，好親切，值得一讚。