賀喜 (美孚新邨) (Closed)

今日收工同同事去美孚食飯聊天，我好鍾意食日本菜所以係附近問人有冇日本菜食呢？街坊介紹蘭秀路嗰邊有三間日本菜館，我過到去揀咗了一間叫賀喜。我倆坐低後每人負責叫一個菜，然後大家共享，我朋友叫咗個東京豐州刺身盛加配海膽黃金卷，我最喜歡食飯，只有了3件壽司是不能滿我的於是我再order個蛋包飯配賀喜招牌卷三本。刺身盤有鮮甜的鮮蝦、厚切的三文魚、彈牙的八爪魚、鮮味的帶子，還有味美的吞拿魚＋大大件鰻魚壽司同海膽黃金卷，海膽非常新鮮，正。跟著待應遞上一碗鰻魚炒飯，我O咀地説我們沒有叫，待應回答是跟刺身的，嘩一聲，太豐富了，於是立即吃一大啖，炒飯不太濕、有咬口。跟著再上一個蛋包飯跟鰻魚壽司同麵豉湯，我2互望一下，又繼續食雖然有點飽但係個蛋包飯酸酸地非常開胃，最後仲有小甜品，這餐大件夾抵食應該多一位朋友都夠食。由於我們不想浪費食物，各自攞出飯盒打包，明天加些菜就可以做lunch啦。