愛家國際餐飲 (Closed)

我：早排的一個星期六晚上，我去左愛家食自助餐，都唔錯架朋友：愛家有自助餐咁正😮?你去左邊度既愛家呀？我：咪就係灣仔既愛家囉朋友：我經常都去灣仔愛家喔，但從來都沒發現有自助餐😱，你係咪去左另一個「平行時空」既愛家？嘻嘻，我地而家唔係寫緊科幻小說，版主當然唔係去左另一個「平行時空」啦🤣。其實，灣仔愛家間中都會在星期六晚上舉行自助餐暨講座📣或演唱🎤活動，早前的一個星期六晚上，版主朋友獲邀到愛家獻唱，所以我們一班朋友就一起去捧場，順道享用難得的「純素自助餐」了。平時在愛家，如果只是獨自用餐，最多也只能吃一碟飯🍛及一款小食🍢，實在難以品嚐多款食物。今次的「純素自助餐」，絕對是「以一己有限之胃吃多款愛家美食」的良機。當晚自助餐的食物頗為豐富，例如有「樸實無華」但十分入味的蘿蔔滷水豆腐🎉、營養價值很高的天貝🎊、餡料豐富的焗釀大啡菇和雜菜卷👍、夠鑊氣的叉燒炒河等等👏。此外，湯品和甜品也有2至3款選擇。眾多食品，必定會有令大家食指大動的選擇。愛家的自助餐是會在星期六或日不定期舉行，有興趣💓的朋友，可留意店方的fb喔