心裡有素 (Closed)

出街食多數都大魚大肉，食到腸胃都唔係咁好，又懶得煮嘅情況底下，我都會選擇食素清一清腸胃，呢間係食素食自助餐，有好多唔同食物嘅種類選擇，索價合理，而且經常送贈飯盒給附近有需要嘅人，十分有意義👍🏻。沙律吧有我鍾意食嘅生果，重點係粟米粒唔係罐頭粟米，而係原條粟米再拆粒，口感截然不同👍🏻冷盤方面我會比較喜愛左下角嘅桂花蜜蕃茄，蜜糖嘅香味應該冇人可以抵擋，再加埋淡淡的桂花香、清爽嘅蕃茄，果然係絕配💕素碗仔翅非常夠味，口感適中，唔會過於濃稠，十分足料好味道👅食物嘅種類非常多，當中會比較欣賞蕃茄炒蛋，酸酸甜甜非常開胃，係自己煮唔出嘅味道，細問店員之下，原來佢嘅獨家秘技就係落咗千島醬🤩 另外飲品方面，都有一啲提供到養生嘅功效，平時唔多愛陳皮嘅味道，都忍唔住要飲兩至三杯😬甜品方面，需要like左指定嘅post再請店員安排，有兩種口味，如榴槤控如我，當然會比較喜歡榴槤味，口感非常清爽，唔會過甜，為呢一餐畫上完美嘅句號😍