心裡有素 (Closed)

素食自助餐都幾多人食，今次搵到間位於油麻地廣華街既素食自助餐餐廳，餐廳亦會送出愛心飯盒，咁有愛心值得支持下。有午餐、下午茶同晚餐，基本上你行過黎就隨時有得食，食物都會係每節時間源源不斷供應。我一路都覺得素食自助餐得菜食，但原來都有咁多花款。介紹下炸物先，有炸茄子、咕嚕准山同炸菇，食到佢輕輕既味粉，幾好食。仲有涼皮同番茄，涼皮有四川餐廳既味道，番茄酸酸甜甜幾開胃，夾埋同涼皮食都正。菜類都有好多款，通菜、西蘭花、苦瓜、茄子等等，我自己比較中意南乳齋，有娃娃菜、粉絲、木耳等等，好有屋企既味道。一路食一路都見佢refill 食物，有時仲會有新野推出，所以真係慢慢食啦，唔洗急，一定夠食。店舖唔算大，但都幾多人食，想試下食素既都可以試下。