Video
Read full review
2021-11-27
93 views
公司最近搬辦公室，喺附近忙完公事，，就嚟食碗雞湯麵，今次第二次食啦，同事帶我嚟食嘅。轉天氣凍凍地，食碗雞湯麵暖笠笠，好溫暖。食完令人特別回味嘅蟲草花膠雞湯淮山麵$78 呢個價錢有大大塊花膠，仲有咁好飲嘅湯真係抵食。飲曬成碗湯，都唔會覺得咸，完全冇味精。淮山麵好幼好滑，雞件都好新鮮。招牌雞湯雲吞六粒$58 雲吞都係新鮮包，好足料雲吞皮好薄，雞湯雖然冇蟲草花咁濃，但係湯底都係用雞煲出嚟嘅。另外再叫3個小食, 涼拌皮蛋$25 入面好多新鮮蒜蓉，點香醋汁好夾味。黃金雞翼$32 五隻好邪惡呀新鮮炸起，雞翼面上都係鹹蛋黃。煎墨魚餅三塊$42 新鮮炸起，墨魚餅好彈牙。整體上都係好用心，好飽呀食唔到串燒，下次再黎過，雞湯麵絕對值得返轉頭食。
轉天氣凍凍地，食碗雞湯麵暖笠笠，好溫暖。
食完令人特別回味嘅蟲草花膠雞湯淮山麵$78 呢個價錢有大大塊花膠，仲有咁好飲嘅湯真係抵食。飲曬成碗湯，都唔會覺得咸，完全冇味精。淮山麵好幼好滑，雞件都好新鮮。
招牌雞湯雲吞六粒$58
雲吞都係新鮮包，好足料雲吞皮好薄，雞湯雖然冇蟲草花咁濃，但係湯底都係用雞煲出嚟嘅。
另外再叫3個小食, 涼拌皮蛋$25 入面好多新鮮蒜蓉，點香醋汁好夾味。
黃金雞翼$32 五隻
好邪惡呀新鮮炸起，雞翼面上都係鹹蛋黃。
煎墨魚餅三塊$42
新鮮炸起，墨魚餅好彈牙。
整體上都係好用心，好飽呀食唔到串燒，下次再黎過，雞湯麵絕對值得返轉頭食。
Post
