MangoChaCha (Closed)

第三次黎mango chacha, 今次終於食到佢個芒果心太軟，平時朱古力，抹茶心太軟就食得多，自己都試過整，但芒果真係第一次食！呢到用台灣既愛民芒，之前試過幾款芒果甜品都覺得唔錯，今次試佢個心太軟，一黎到已經覺得佢deco 好有心思，有d cream 做花花，又有d 粉紅色脆脆做裝飾，加埋雪糕同芒果，成幅畫咁haha～～根住就係開佢既神聖一刻！唔錯唔錯，真係有流心效果，食頭果幾啖都唔錯，好有愛民芒甜味，不過食食下發覺佢幾有奶黃流沙包feel, 同埋見到個流心有d 分離左出黎既油，根據我好初階既整甜品經驗，我估計都落左唔少牛油haha，所以食落都有d 漏，最後食哂個雪糕都冇食哂個心太軟～另外值得一提佢個好簡單既薑汁湯圓，可能本身冇咩expectation, 而且佢其貌不揚，但食落個薑汁好有驚喜，好濃薑甜味，好似仲有d 薑粉，湯圓細細粒，d 餡又唔漏，i like it ，下次要再黎試其他野😎