Video
Read full review
2015-05-24
598 views
落雨落左成個禮拜，落到人都傻呀，同同事去完對面酒店飲左個happy hour後，再去thankful week逛完一圈(好多人...)，咁就要醫醫肚，對自己既五臟好d，食番餐好既!去左WTC十三樓既牛禪好好對待自己，餐廳內環境寬敞，唔算多人，感覺舒適。三點前菜鮑魚、麵豉醬蒜頭、牛蒡條牛蒡條:天然補品，健康之選，淡淡似人參味既，但具高纖維蒜頭:食落完全無左蒜頭味，爽甜，好得意雞泡魚乾$38雞泡魚乾將雞泡魚乾煎番熱，再加上蜜糖燒得香口，帶蜜糖香味，香味更濃郁，送酒小食之選三文魚特色沙律$138沖繩苦瓜較中國苦瓜凹凹凸凸，食起來口感更脆脆既，味道甘甜鮮爽多汁，襯埋外表有趣好多水珠咁既爽口冰菜，味道清甜開胃！呢度主打始終食牛肉，係靚牛肉，近江牛，和牛三大之一。日本三大和牛包括近江牛、松阪牛、神户牛。近江牛產量較trs外兩款少，飲既係湖水，食小麥同米糠大，肉質較滑潤甜美。 近江牛肉刺身$480/50克平時生既牛肉最多係唔熟既牛扒／牛肉他他／生牛肉飯等，生既一塊塊牛肉刺身真係第一次食，感覺心驚膽顫，哈哈哈上桌見到就一塊塊雪花豹紋牛，好吸引，油脂分佈非常平均。牛肉刺身纖維鬆化，無渣
同同事去完對面酒店飲左個happy hour後，
再去thankful week逛完一圈(好多人...)，
咁就要醫醫肚，對自己既五臟好d，食番餐好既!
去左WTC十三樓既牛禪好好對待自己，
餐廳內環境寬敞，唔算多人，感覺舒適。
三點前菜鮑魚、麵豉醬蒜頭、牛蒡條
牛蒡條:天然補品，健康之選，淡淡似人參味既，但具高纖維
蒜頭:食落完全無左蒜頭味，爽甜，好得意
雞泡魚乾$38雞泡魚乾
將雞泡魚乾煎番熱，再加上蜜糖
燒得香口，帶蜜糖香味，香味更濃郁，
送酒小食之選
三文魚特色沙律$138沖繩苦瓜較中國苦瓜凹凹凸凸，
食起來口感更脆脆既，
味道甘甜鮮爽多汁，襯埋外表有趣好多水珠咁既爽口冰菜，
味道清甜開胃！
呢度主打始終食牛肉，係靚牛肉，近江牛，和牛三大之一。
日本三大和牛包括近江牛、松阪牛、神户牛。
近江牛產量較trs外兩款少，飲既係湖水，食小麥同米糠大，肉質較滑潤甜美。
近江牛肉刺身$480/50克平時生既牛肉最多係唔熟既牛扒／牛肉他他／生牛肉飯等，
生既一塊塊牛肉刺身真係第一次食，感覺心驚膽顫，哈哈哈
上桌見到就一塊塊雪花豹紋牛，好吸引，油脂分佈非常平均。
牛肉刺身纖維鬆化，無渣，唔洗咬都係每啖入口即溶既感覺
海膽刺身$198唔需要任何紫菜，食原汁原味，
一片片金黃花瓣咁既海膽，放入口冰涼，
肉質豐厚，超鮮甜，鮮甜味o係口入面縈繞，
我既至愛呀!!!!!!!!!
特色鰻魚卷$32/件本身自己好驚食鰻魚，最怕d骨charm charm咁。
表面微脆，帶有鰻魚汁既香，厚身肥美，好感動，在口入面融化
包著泰國芒果，甜甜的，食左兩大舊!
吞拿魚腩蓉海膽壽司$69/件屬每日限定
吞拿魚腩蓉肥美可口襯埋鮮甜海膽，滿口creamy，食雪糕咁
炸左既三文魚皮當點綴，增添層次
精選5品刺身$298食多幾款魚發現最愛既係金目鯛，俗稱日本大眼雞
金目鯛肉質最爽，白裏透紅，油脂豐富，魚味好濃但無任何腥味。
真鯛刺身肉質比較細同紮實又彈牙。
三文魚吞拿魚厚切肥美鮮甜
鮫魚幾款中最稔，魚味最重，甜味唔多。
燒肉係呢度既主打，最欣賞呢度既抽風設備，而且專人幫你燒埋，o係正我面前燒，我走時都毫毛燒肉味，女仔最著重架啦!!讚
近江小排$330入口最稔
近江腿肉$228
牛肉嫩，脂肪較少，
外面焦焦的，肉味濃郁最強
和牛牛舌$188
呈四方條形狀，四邊興一興
肉質最具彈性，入面仲帶著肉汁
九州肉眼$260/100克
油脂相當豐富，罪惡感重，不過燒完之後特別香油脂味
雖有副上三種醬汁，但如此美味牛肉，只點海鹽已足夠，更能食出其牛肉鮮味！
雪場蟹腳$268鮮甜啖啖肉，帶有燒左既海水味
喜之次一夜干$98一夜干係將魚清潔後，浸泡於鹽水中，再經一夜風乾，
等肉味鮮香，肉質緊實
外層燒得脆乾，帶鹽燒香味，肉質細滑
牛油炒雜菌$78食番d菜平衡下，牛油味唔夠勁
桃啫喱＄89食呢個甜品五餅二魚同朋友分，
一個個上應該好d，
不過一層yogurt一層啫喱一層桃肉，
幾好味，清新!
久保田清酒$450清酒黎講好易入口，唔覺唔覺，小心飲醉
青之薄荷$36
係無酒精既mojito，好fresh，
食燒肉之飲品唔錯，去肥膩感
今晚實在大滿足，除左主打燒肉外，刺身一樣鮮味無極，
食物選擇多而好。
店員好盡力介紹每一種牛部位既特色，又建議配咩醬岩d，
真係增廣見聞!
Post
