Blue Brick Bistro (Closed)

係公司附近有間西餐廳，平時午飯時間都有去，同經理傾開計，佢介紹我哋夜晚過嚟食飯，因為佢最近做咗個 promotion, 係叫一個主菜，再加$168可以兩小時任食生蠔，由於我哋幾個都係愛蠔一族，計落又幾抵，決定試一試夜晚嚟到已經座無虛席，每一台都喺度食緊生蠔，我哋揀咗個主菜後，店員就開始拎生蠔過嚟，今晚有兩款分別係美國同法國生蠔，美國生蠔好大隻而且海水味都幾甜，但係我本人特別喜愛法國，因為肉質更爽口而且更加清甜，配合埋佢嗰三個醬汁就更加好味由於佢食完一碟隔一陣就會嚟第二碟，所以都算幾均真唔會拖住你，但係當我地每人都食咗30幾隻嘅時候，就已經食唔落了，計落只係平均價$5 一隻蠔，超滿足所以跟住我哋都係決定飲杯嘢唞一唞，先至再食個主菜，我哋見到佢有呢個雞尾酒半價優惠，就選擇左一個溝綠茶嘅，味道好清新，因為佢有薄荷葉係入邊，而且 Gin 酒味好香，容易入口最後食主菜，我選擇左個安格斯牛扒，份量算好多，而且肉質好淋，無 over cook，但因為前段已經食得好飽，所以要慢慢食最後先食得晒，最後捧住個肚走（果然經理冇介紹錯，如果你係鍾意食蠔一定會好開心，性價比一流）