碗碗香 (Closed)

係銅鑼灣行行下街見到依間店係食辣野，咁岩我地都想食麵就入咗去食。我超級鐘意食牛同辣，所以真係好岩我。我地三個都叫咗牛肉麵，不過一個係清湯、一個係bb辣同埋小辣。清湯😋bb辣😋小辣😋專食辣既店果然名不虛傳，淨係小辣已經好辣。我好鐘意依既麵質，係好似上海麵咁既，但就再粗啲。佢既辣吾係連埋啲湯，而係再加上去既，所以辣得嚟都不失原本湯既味道。而佢既牛展都做得好好，每一片都好薄，所以吾會太大塊。同埋煮得岩岩好，吾會太硬。最欣賞係牛腩，因為好入味，而且煮到好淋，同埋我個人口味比較鐘意食一啲無咁肥既，佢個啲都好岩我。最後，個餐仲包咗一杯苦丁茶，佢主要目的係解辣，我都幾鐘意飲苦野，所以又可以用嚟解辣，又可以當係飲品。