Video
Read full review
2017-11-15
894 views
記得細個嗰陣時唔鍾意食辣， 淨係鍾意食甜味， 最鍾意食糖同埋雪糕！ 個人大咗反而冇咁鍾意食甜嘢， 開始追求刺激的辣味！ 譬如鍾意食辣雞煲 、鍾意食麻辣米線…… 所以當知道有米芝蓮星星的粵， 最近多咗新攪作，整左個粵之秋冬辛辣粵菜饗宴，立刻來試下！ 這裏環境十分之優美，而且座位寛敞坐得舒適，無論是卡座或者圓桌也有足夠的空間， 提供令人滿意嘅私隱度 ，傾計都唔驚其他人聽到~ 先來身前菜款款都好有特色！先講煙燻釀紅椒，上桌時以煙燻中奉上，一打開有幾縷輕煙散出來，陣陣胡桃木煙燻香， 紅椒看起來有點像煎釀三寶的迷你版，好cute!不過食起嚟辣度唔係講笑, 隻辣味還會慢慢越來越火熱地透出來， 最後是舌尖著火了一樣！ 原來這個椒大有來頭，原產自巴西的熱帶雨林， 再釀入先製手打蝦膠而成，怪不得殊不簡單！ 頂住着火的舌頭來吃這款芒薩龍蝦凍又別有一番風味！ 單睇菜名我以為有芒果成份在內所以叫芒薩， 其實不然！ 原來芒薩係代表出產於南美洲安地斯山脈的紅芒薩辣椒！ 聽個名都覺得勁呀！ 味道方面原來是屬於溫和級，配以味道濃郁的龍蝦凍糕一齊製成！ 感受到辣味的火辣之餘又會被凍膏有所降溫，而且龍蝦的味道十分
所以當知道有米芝蓮星星的粵， 最近多咗新攪作，整左個粵之秋冬辛辣粵菜饗宴，立刻來試下！
這裏環境十分之優美，而且座位寛敞坐得舒適，無論是卡座或者圓桌也有足夠的空間， 提供令人滿意嘅私隱度 ，傾計都唔驚其他人聽到~
先來身前菜款款都好有特色！先講煙燻釀紅椒，上桌時以煙燻中奉上，一打開有幾縷輕煙散出來，陣陣胡桃木煙燻香， 紅椒看起來有點像煎釀三寶的迷你版，好cute!
不過食起嚟辣度唔係講笑, 隻辣味還會慢慢越來越火熱地透出來， 最後是舌尖著火了一樣！ 原來這個椒大有來頭，原產自巴西的熱帶雨林， 再釀入先製手打蝦膠而成，怪不得殊不簡單！
頂住着火的舌頭來吃這款芒薩龍蝦凍又別有一番風味！ 單睇菜名我以為有芒果成份在內所以叫芒薩， 其實不然！ 原來芒薩係代表出產於南美洲安地斯山脈的紅芒薩辣椒！ 聽個名都覺得勁呀！ 味道方面原來是屬於溫和級，配以味道濃郁的龍蝦凍糕一齊製成！ 感受到辣味的火辣之餘又會被凍膏有所降溫，而且龍蝦的味道十分鮮味，加上口感好q彈，相信連小朋友都會好鍾意食！
有吃辣的人就會明白，頂住火辣辣的舌頭喝茶也無濟於事，呢個時候好在有柚子醋車厘茄！ 老實講平時我係唔食車厘茄或者番茄嘅， 只係因為覺得佢有好充足嘅水分而且係凍嘅所以就即管試下啦！ 點知將小茄一放入口，一咬， 酸味味嘅柚子醋汁立刻噴射出嚟！ 情況就好似打開左緊急灑水系統，立刻將火撲熄了！ 我感覺係一股清泉令我無比咁暢快同有清涼的感覺！ 柚子嘅清新仲令我覺得個車厘茄好好味！
開始嚟我嘅主菜了！有齊我最鍾意食的魚魚同雞煲！正呀！
先來的黃椒醬紗窗鱈魚以蒸籠為烹調工具，中間還放一塊荷葉，蒸的時候荷葉的味道便會慢慢滲透到鱈魚內，再以米紙包裹着鱈魚，便能保存鱈魚的鮮味同防止蒸得太老，更能保持魚肉的嫩滑質感！on top我還食到黃椒醬的味道，不會太辣，以椒香為主，既提鮮又有獨特的風味！
再來的美人椒脆雞煲以令人愉悅的卜滋卜滋聲登場！一打開煲仔我彷彿見到一個煙球跳出來，那湧出來的辣椒香令人食指大動！
辣度算是中辣吧， 味道調得剛剛好， 沒有了平常吃麻辣雞煲的麻辣感， 有種單純是享受辣味的感覺！令人不由得地想配上兩口白飯！
個人認為最後登場嘅甜品是今晚的重頭戲！ 可能女生就係比較鍾意吃甜品掛， 而且對於外形cutie嘅甜品更加係抵抗不到！這款輝映小辣椒勁得意呀！ 原來係用糯米製作出嚟嘅甜品嚟㗎！ 紅色嘅就係豆蓉餡， 黃色嘅就係奶皇餡， 兩款都帶有少少辣味， 又甜又辣好攪鬼呀！食落同時有煙煙韌韌嘅口感，好食喎！
桂花陳酒列丸子就啱曬秋冬正涼的季節食喇！辣辣地的丸子令人愈食愈起勁，而淡淡的桂花香的糖水又可調和一下味蕾的剌激感！今晚真是品嘗到好多不同意境的辣，有新意又好味，一定要推薦埋俾朋友來試先得喇！
Post
