Green Waffle (Closed)

(葉問mode) 難得太座想睇映畫戲，就應承過佢去睇，順便在附近食個晚飯先返屋企。食西餐喎！佢！梗係開心頂喇！餐廳好多人，要等一會才有位，還要是吧檯，其實無所謂，可以看到waffle製作過程。太座第一時間選了是日晚餐，有沙律或湯，主菜和甜品，包咖啡或茶，還可半價轉特飲。我則選擇單點，沙律和意粉已夠。飲品轉了沙冰，一杯叫Pink Lady, 材料有桃，士多啤梨，蘋果汁，酸酸甜甜，幾開胃；一杯叫Rocket Fuel，有芒果，菠蘿，是用真正的芒果打蓉，幾好飲。太座選了熱湯，甘筍忌廉湯，三文魚伴香草雜菜扁意粉。甘筍湯是用甘筍打蓉，有些忌廉在面，幾香滑，最欣賞是夠熱。我的波蛋火腿雜菜沙律配黑醋汁，最得我心是那些煙肉，燒得香噴噴，雖然是多吃無益，但我甚少吃，偶爾吃一次，無傷肝！波蛋半熟，流出蛋汁，連沙律吃，黑醋汁很美味。太座的主菜來了！三文魚伴香草雜菜扁意粉，件三文魚份量不算太大，但以套餐來說還算合理，三文魚滲出香草的芬芳，煎得香滑，扁意粉中混有青瓜絲和菇，口感豐富之餘，還多幾分健康。我最愛吃粉麵，又喜歡pesto醬，香蒜白酒扁意粉最合我意，原本淡黃色的扁意粉都變成綠色，證明pesto 醬下得重