Video
Read full review
2024-09-10
367 views
平日返工咁辛苦，終於捱到週末可以抖一抖，相約朋友去食好西😋，今次去呢間餐廳每逢星期六及日都有brunch供應，口碑唔錯，係义電聚會嘅好地方😃。Brunch價錢每位$698，包咗每人6隻生蠔、6款starter任食、主菜2人份嘅牛扒及甜品Tiramisu。另外只需要加$98就可享有無限添飲🎉，包括有雞尾酒、紅白餐酒及氣水，飲兩杯都抵番條數喇😆。🦪生蠔每人有6隻，用上愛爾蘭嘅生蠔，蠔身creamy，帶子位爽脆，鮮甜中帶淡淡嘅海水味，口腔充滿礦物味嘅餘韻，配上兩款醬汁及檸角，個人認為唧少少鮮檸汁已經足夠好味，配合香檳一齊食非常夾。🍾香檳Champagne Ayala Brut Majeur酒體輕盈口感清爽，帶有柑橘皮及花香氣，飲落有蘋果、檸檬及蜜糖味，配搭生蠔、海鮮及家禽，相得益彰🤩。🍽Starter有6款任食，包括有👇：▪︎美國Prime牛肉他他 - 牛肉他他鮮爽，味道濃郁，混合了辛辣爽甜嘅洋蔥粒粒，味道帶點清爽微酸，打散蛋黃撈埋一齊食，增添滑溜濃香口感😋。▪︎凱撒沙律 - 裏面有我最喜愛嘅牛油果，而且蔬菜非常新鮮爽脆，醬汁有好清新嘅薄荷香味👍。▪︎粟米天婦羅 - 外皮炸得夠哂香脆，內裡粟米清甜
Brunch價錢每位$698，包咗每人6隻生蠔、6款starter任食、主菜2人份嘅牛扒及甜品Tiramisu。
另外只需要加$98就可享有無限添飲🎉，包括有雞尾酒、紅白餐酒及氣水，飲兩杯都抵番條數喇😆。
🦪生蠔
每人有6隻，用上愛爾蘭嘅生蠔，蠔身creamy，帶子位爽脆，鮮甜中帶淡淡嘅海水味，口腔充滿礦物味嘅餘韻，配上兩款醬汁及檸角，個人認為唧少少鮮檸汁已經足夠好味，配合香檳一齊食非常夾。
🍾香檳
Champagne Ayala Brut Majeur
酒體輕盈口感清爽，帶有柑橘皮及花香氣，飲落有蘋果、檸檬及蜜糖味，配搭生蠔、海鮮及家禽，相得益彰🤩。
🍽Starter有6款任食，包括有👇：
▪︎美國Prime牛肉他他 - 牛肉他他鮮爽，味道濃郁，混合了辛辣爽甜嘅洋蔥粒粒，味道帶點清爽微酸，打散蛋黃撈埋一齊食，增添滑溜濃香口感😋。
▪︎凱撒沙律 - 裏面有我最喜愛嘅牛油果，而且蔬菜非常新鮮爽脆，醬汁有好清新嘅薄荷香味👍。
▪︎粟米天婦羅 - 外皮炸得夠哂香脆，內裡粟米清甜爽脆。
▪︎日式炸雞 - 肉嫩juicy。
▪︎炸魷魚圈 - 外皮香脆，內裡煙韌Q彈，雙重口感😋。
▪︎是日意粉 - 煙肉蘆筍長通粉，長通粉質地Q彈有口感，吸收哂醬汁嘅精華，同時配埋露筍及煙肉，食落好滋味👍。
🥂白酒
Kuheiji Bourgogne Chardonnay 2019
Product of France
香氣帶有杏桃、蜜柑、梨等…，酒體厚身而且酸度平衡，配合炸物、意粉或貝類都唔錯。
🥩主菜
係2人份嘅法國Premium Charolais Beef Ribeye，一上枱已經聞到好香嘅炭烤味，表面微微焦濃，內裡粉嫩juicy，食落濃香嫩腍😋，並配上Bearnaise sauce，侍應仲會即席serve啲醬俾我哋，我哋揀咗芥末籽；配菜亦好豐富，有甘筍、蘆筍及西蘭花苗，呢啲蔬菜亦都有炭烤過，所以特別濃味香甜，仲可以沾下啲甜辣椒醬增添風味👍。
🍷Robert Mondavi Private Selection Rye Barrel-Aged Red Blend California 2019
紅寶石色，帶有紅莓及肉桂嘅香氣，飲落有成熟而濃郁嘅水果及烤橡木香，餘味悠長，配搭牛扒及肉類都好正👍。
🍰甜品
Signature Homemade Tiramisu，奶香濃郁，口感濕潤，入口軟滑綿密，非常喜歡微甜嘅口味，使得酒香更為突出😋。
環境方面非常開揚闊落，裝修簡潔不失華麗，牆上還掛了瑪麗蓮夢露的掛畫；還發現餐廳嘅後面有一間環境好靚又chill嘅小酒吧，係一個非常適合同朋友飲酒吹水嘅好地方。
相信我哋下次都會再嚟，因為我覺得呢間餐廳對待及儲存酒嘅方法非常認真及細心，佢哋用一個好專業嘅抽真空器及香檳塞，使得完全保鮮密封，鎖住氣泡及味道。
另外，紅酒及白酒都用上針孔倒酒器，使得酒嘅質量保存得好啲。
Post
