Video
Read full review
2021-05-16
1374 views
Happy Friday梗係要同朋友去摸吓酒杯底啦！今次去呢間Whisky Bar有嚟自世界各地唔同國家超過100款Whisky，選擇超多！仲有提供唔同配搭嘅tasting set，由$268-$448不等，每set可以試5款唔同嘅whisky。其中Kick Start係啱晒我呢啲新手入門，可以試勻甜、酸、苦、辣、咸唔同口味嘅變化，好奇妙！店員好仔細介細比我地每款whisky，亦建議我地分2-3次去試，一開始試晒每款然後過15mins再試都會有變化呢！Kick Start嘅甜係一款愛爾蘭嘅whisky，酸、咸同苦都係來自蘇格蘭嘅whisky，其中酸味個款係幾refresh，而咸味就有海洋嘅味道，苦味就係偏泥煤味，味道來得霸道啲。最後我覺得最特別一款就係辣味，美國嘅whisky帶嚟嘅刺激感，餘韻係比較澎湃。另外鐘意泥煤味重嘅朋友就可以揀Peat Trial，當中仲包括一款來自蘇格蘭Islay 61.3%酒精濃度嘅原酒，大家可以去挑戰吓！唔想齋飲whisky都有cocktail嘅選擇，賣相同味道都一流㗎！我自己就點咗Mazu，使用咗台灣威士忌配搭台灣有代表性嘅水果，包括芭樂、鳳梨、文旦柚，
今次去呢間Whisky Bar有嚟自世界各地唔同國家超過100款Whisky，選擇超多！
仲有提供唔同配搭嘅tasting set，由$268-$448不等，每set可以試5款唔同嘅whisky。
其中Kick Start係啱晒我呢啲新手入門，可以試勻甜、酸、苦、辣、咸唔同口味嘅變化，好奇妙！店員好仔細介細比我地每款whisky，亦建議我地分2-3次去試，一開始試晒每款然後過15mins再試都會有變化呢！Kick Start嘅甜係一款愛爾蘭嘅whisky，酸、咸同苦都係來自蘇格蘭嘅whisky，其中酸味個款係幾refresh，而咸味就有海洋嘅味道，苦味就係偏泥煤味，味道來得霸道啲。最後我覺得最特別一款就係辣味，美國嘅whisky帶嚟嘅刺激感，餘韻係比較澎湃。
另外鐘意泥煤味重嘅朋友就可以揀Peat Trial，當中仲包括一款來自蘇格蘭Islay 61.3%酒精濃度嘅原酒，大家可以去挑戰吓！唔想齋飲whisky都有cocktail嘅選擇，賣相同味道都一流㗎！
我自己就點咗Mazu，使用咗台灣威士忌配搭台灣有代表性嘅水果，包括芭樂、鳳梨、文旦柚，果味好出尤其係芭樂，入面溝埋egg white所以飲落特別滑。
另外有一款更加入Godiva Chocolate Liqueur，朱古力味香濃中間仲有個朱古力波，好吸引！加上酒味唔會太嗆，唔覺唔覺就飲多咗幾啖，勁易入口。當然唔少得order吓bar food，cold cut platter好豐富，仲配搭咗蜜糖，之前無試過呢種配搭，驚喜地好夾喎！
雞翼辣辣地，薯條好香脆。
試咗好多唔同嘅whisky，即刻推介咗比鍾意whisky嘅朋友去體驗吓，加上餐廳氛圍都好好，飯後嚟飲一杯都幾chill！
Post
