滾得棧 (Closed)

疫情期間，心思思想外賣邊爐套餐，就有試過呢間滾得棧，600蚊都夠4個人食（有海鮮、牛肉、雞、其他配菜等）咁本身都覺得抵食，自取介有8折優惠。 咁今次就想試下呢間堂食火鍋可唔可以滿足到我火鍋控，因為首次堂食關係，唔係好清楚落單紙（無角可以叫半份，價錢減半咁）職員好耐性咁解釋俾我地知，務求可以俾我兩個人嘗試多款菜色，落左個椰子豬骨湯底，想讚下個湯底都多豬肉同埋濃郁味道，上菜速度係快，所以我幾滿意。另一半叫左個蝦膠油炸鬼，呢個趁熱食，好香脆同埋蝦膠係幾爽口，我幾鐘意呢款野食。呢間我會推薦大家可一嘗試。