美心烘焙所 (天耀廣場)

Open Now

Now Closed

前兩日行經美心烘焙所，見到新出既法式布甸麵包同沙翁，睇起嚟咁吸引，當然唔可以錯過啦 ~每日新鮮出爐既法式布甸麵包，係限量發售，緊係要買多個啦。外表睇落震騰騰既布甸已經好自癒，我會原個大口品嚐麵包中間既布甸，充滿蛋香而口感夠滑溜，夾帶淡淡既麵包香氣，法包厚薄比例適中，口感鬆軟，唔會太膩，甜度亦啱啱好，冷食熱食都咁啱，我除咗熱食，都試過雪凍食，布甸仍然保持幼滑口感，又係另一番風味。沙翁大大個一粒，蛋香撲鼻，外脆內軟，口感輕盈而且富香濃蛋味，雖然外層沾滿砂糖但又唔會覺得太甜太膩，食落鬆化似蜂巢，覺得回味無窮。除咗法式布甸麵包同沙翁之外，店裡嘅其他烘焙美食都值得品嚐，多款麵包、西餅、糕點等都好用心製作，甜品控不妨一試。