尚八日式燒肉店 (Closed)

今晚無飯開，細佬在網上睇到這間唔錯，想走來一試，於是兩人出來撐枱腳。今次早少少食，5點入席至7點。兩小時任飲任燒，有豬，牛，雞，海鮮，蔬菜。刺身首盤免費，之後要收錢，刺身算大件，新鮮，但刺身蝦就完全無味。這也是坐席後上的，同刺身蝦一樣，蝦是無味的。左（牛肋骨肉，牛小排和牛胸腹）右（羊架）蝦無味所以無再叫，至於帆立背唔錯，但燒蜆就超咸，感覺要洗腎了。之後我們主食牛肉類，值得推薦有（牛肋骨肉，牛小排和牛胸腹）薄切嫩肉，有肉味，控制好火候便好吃了。熟食中的炸池魚十分可口，香脆，味道亦剛剛好。連加一$502，一人二百五唔算貴，而且有任飲，不過有唔少地方要改善，大部分肉類醃製不足，肉味已經唔重，變相要點醬料，但三種醬汁只有燒汁有味，檸檬汁和蒜汁完全無味，令味道上十分失色。第二是上菜速度十分慢，而且有漏單現象。第三是光線不足，令食物燒熟程度十分難看。總結分數較中下，相信無下次。