玖子茶 (長發廣場)

Open Now

Now Closed

見佢新開，門口又有兩個姐姐熱情叫客就入去試左個二人餐二人餐包左砂煲肉骨茶、海鮮蝦粉麵、麻辣口水雞、藥膳浸菜和串燒(兩串)首先講講砂煲肉骨茶。呢味菜式應該有濃郁湯底同豐富嘅肉骨味而聞名。但呢間嘅肉骨茶雖然都食得出佢有當歸、黨蔘等藥材，有d藥膳嘅風味。但係d 肉略略有d 硬，做唔到一般入口即散開嘅口感，所以呢到真係扣左分。但係搭配一碗香噴噴嘅白飯，呢個砂煲肉骨茶都絕對比到我一種滿足感。之後海鮮蝦粉(我揀左喇沙湯米粉)。呢碗粉聞到有濃郁的海鮮香氣。但係食落唔夠醇厚，可以係調味到加強少少，但配上彈牙的米粉同鮮蝦，都不過不失嘅。麻辣口水雞就係比較好嘅一碟。佢起曬朋嘅雞肉，相當嫩滑，辣椒醬嘅辣味同麻味相得益彰，比我嘅味蕾一下子刺激到。每一啖都食到到辣椒嘅辛辣和雞肉的鮮嫩。藥膳浸菜是就普普通通，不過不失。用左肉骨茶做底味，碌熟左嘅白菜仔清甜得黎又食到藥膳湯嘅感覺。總結來說，呢間餐廳做到基本之上，作為一間屋邨餐廳足夠有餘。