四湯八麵

Open Now

Now Closed

平時好少去觀塘，6/5/23（星期六）剛巧有事情來一趟，預早一晚開飯搜尋有咩好地方一個人午餐。見到呢間鋪頭名幾特別，又想食星馬野就黎試下。一點半左右到來，吾洗等位。餐廳係自助落單，午市套餐選擇都多。泰滷無骨豬手拌麵同藥膳排骨湯麵之間掙扎，既然拌麵有個藥膳湯，咁就點左豬手拌麵🍜飲品就點左跟餐既熱無糖黑咖啡☕️咖啡先上，用上透明玻璃杯，有點似大排檔既感覺，咖啡微甘，低酸味，都吾錯（7.5/10）豬手麵： 好大塊豬手，炆到都幾淋身，其他配菜如滷豆腐，雞蛋，都吾曾，麵條都有質感，吸左點點汁都無淋身。美中不足係咬塊豬皮時感覺到豬皮既脂肪有點肥膏咁，吾知炆既時間未夠，定當初「出」水時快左啲，令到有點肥膩感受，扣左啲分。（7/10）至於藥膳湯，真係喜出望外既好，充滿藥材味道，飲落肚完全有養生既感覺，如果食藥膳湯麵，一定食到連湯都飲埋。（8/10）有機會下次到來幫襯要叫藥膳湯麵。