一芳台灣水果茶 (Closed)

食飽飯，朋友話想飲🦌角既黑糖珍珠，不過之前經過見到條人龍都怕怕。最後轉場去一芳，去到得幾個人唔使點排仲有冷氣涼。✨雖然身處美麗華，但價錢居然唔貴，最平$17已經有一杯，水果茶一向係我頭號選擇。✨黑糖粉圓鮮奶茶（$33)：朋友買既，搶黎試左兩啖😍第一次飲黑糖奶茶，不過佢就無大熱既虎紋，同埋佢既冰量同甜度都standard 左無得㨂。✨開頭未攪得混，黑糖味都幾濃。一啖已經飲到好多珍珠，佢d 珍珠夠腍少少煙韌又香甜，係我最鍾意既質感。之前飲過東喜茶，d 珍珠真係韌到車呔咁，飲完個胃滯左一個禮拜。✨對奶茶無咩研究，飲左兩啖覺得幾好飲丫，不過朋友話幸福堂好飲d, 個茶更香滑，搞到我都好想試😳。✨一芳水果茶（$30/M): 㨂左半糖，我覺得略為酸左d, 味道以熱情果為主，但都飲到茶香。一路飲仲可以咬埋d 熱情果核，卜卜聲。雖然覺得酸左d, 不過好彩個底有d 菠蘿粒，救番佢～下次我都係揀少糖，甜番d 好飲d~✨不過想食埋d 生果，個蓋面有層膠膜實在太痴得太實，最後放棄左，呢下扣左少少分。但整體性黎講呢間野感覺良好，可以一試。