Video
Read full review
2014-05-18
8598 views
今日約左好耐冇見的寶貝食生日飯~~雖然訂左枱,仍早少少到諗主揀個心儀位置上到去人唔算多~服務員小姐安排左我喺廚房出入口位我望望四周,希望可以有個靜少少的靠邊位,但服務員話已比人訂左..安排唔到,我心諗,我都好早訂左枱啦~又早過佢地到,唔通真係安排唔到?!既然人家話冇,我都唔會強人所難~明既~睇睇餐牌,食品款式唔算多~我相信係以作品精緻同味道搭夠~我地三人對特色飲品興趣不大,又不善品酒,所以未能招呼餐廳的特飲~DINNER SET 款式相當合我們心水,所以我地問服務員是日餐湯係乜野佢就回我地話係番茄XX湯..唔太記得,我地几個覺得OK~所以點左几個SET但係唔知點解上枱會變左椰菜花忌廉湯~我地即時反應當然覺得好奇怪啦,經了解後,另一服務員話更正今晚的湯係: 椰菜花忌廉湯之後我地話唔要湯而要求餐湯轉沙律, 唔係想制造浪費, 只係真的唔啱飲~最後我呢D湯怪另外點左南瓜湯…落左單好快有條狀面包同牛油放上枱~ 可能因為有三個人,所以有三條問服務員係咪自家製,佢好坦白咁話唔係~再問佢有冇得添食, 佢話冇~噢…失望~牛油係每人一舊, 嘩~麻雀咁大,好大舊好重手~~點知一塗就知係空心的~只有面一層~牛
上到去人唔算多~服務員小姐安排左我喺廚房出入口位
我望望四周,希望可以有個靜少少的靠邊位,但服務員話已比人訂左..安排唔到,
我心諗,我都好早訂左枱啦~又早過佢地到,唔通真係安排唔到?!既然人家話冇,我都唔會強人所難~明既~
睇睇餐牌,食品款式唔算多~我相信係以作品精緻同味道搭夠~
我地三人對特色飲品興趣不大,又不善品酒,所以未能招呼餐廳的特飲~
DINNER SET 款式相當合我們心水,所以我地問服務員是日餐湯係乜野
佢就回我地話係番茄XX湯..唔太記得,我地几個覺得OK~所以點左几個SET
但係唔知點解上枱會變左椰菜花忌廉湯~
我地即時反應當然覺得好奇怪啦,經了解後,另一服務員話更正今晚的湯係: 椰菜花忌廉湯
之後我地話唔要湯而要求餐湯轉沙律, 唔係想制造浪費, 只係真的唔啱飲~
最後我呢D湯怪另外點左南瓜湯…
落左單好快有條狀面包同牛油放上枱~ 可能因為有三個人,所以有三條
問服務員係咪自家製,佢好坦白咁話唔係~再問佢有冇得添食, 佢話冇~噢…失望~
牛油係每人一舊, 嘩~麻雀咁大,好大舊好重手~~點知一塗就知係空心的~只有面一層~
牛油份量足夠塗一條面包,如似我這種乜都要多D的人,就要慳住食…最後留了少少包點湯~
凱撒沙律同田園沙律 – 雖說話係跟餐沙律,但份量一D都冇欺場, 沙律菜相當新鮮, 爽口冇黃葉~對沙律都不會有太多要求吧~!
南瓜濃湯 - 相當唔錯~南瓜打得夠爛連埋淡淡的忌廉,唔算話好重奶味,湯上加左咸咸地的煙肉,配搭得好好~好味道~
木瓜火腿 -木瓜的清甜加埋火腿的咸味,唔算話好特別,少了點肉香,正常出品~最不同的係佢有片精製過的雪梨定苹果件伴著,輕輕的甜味反而比木瓜更吸引!
,
鴨腳意大利飯 – 真係不可不食, 鴨腳皮脆卜卜~鴨腳肉又淋又入味有唔乾身~加上清淡的意大利飯,真係流晒口水,回味無窮~
羊架雜菌千層面 - 又一誠意之作~我地比較中意生生地的羊,所以羊架部份我地點五成熟再生少少,大廚足火路捉得真係太高技巧~好合我地的心意~羊肉一D都唔羶,好這合香港人的口味,而對我地呢D羊羶怪黎講就有少少缺失~雜菌千層面係另一出色作品, 上下千層面夾住炒香的雜菌,壓實再切開都唔散,,又香好味又夠料!! 正~
到左我地最期待的甜品部份~我地一向都好重視甜品~
聽聞呢到D甜品相當出色~!全部都係自家製,不可不試係全店推介的朱古力系列!!
有見及此~雖則服務員有特別唯介,我地都全力支持!!三人點了三份~! ^O^
特濃朱古力蛋糕 – 係我的至愛~亦係最食我失望的一環~朱古力蛋糕本身當相硬~以為一支鉄叉可以切開~不要太天真~西點刀同叉都唔係佢的對手,最後我地要用切牛扒的刀再比少少力,先可以切開,本以為可能雪凍左所以難切,但食落又唔會太凍,最重點係佢入口得的朱古力味唔算太濃~~唉…
意大利芝士餅 – 賣相好一般,冇酒味,冇芝士味,入口啖啖忌廉感覺好膩,上層的咖啡粉可能因雪得太耐而冇左’粉的’感覺.比出面街買的貨色更一般!!
朱古力心太軟 – 振店之寶就真係振店之寶,上枱時的賣相已經與眾不同,有精心的擺設,上層雪糕中間夾著一層餅乾,仲有下層的蛋糕部份,一切開就有流出黎的朱古力醬…最可惜的係精心的佈局比流出黎的朱古力醬破坏了,,因為朱古力醬流出黎時,.感覺微弱,冇爆醬的感覺…唉~
餐飲方面我地只係點左冇得彈的熱檸水,一齊清一清腸胃…
Other Info. :
期間服務員的服務態度真係比到好奇妙的感覺我地
話佢地服務唔好?又唔算係,只係佢地會比到一種’’我已做到最好’’的感覺你
希望我地唔好再對佢地有太大期望,太多要求
例如你想坐一另一個位子, SORRY 枱己安排好,冇得轉
你想靜靜要求佢地喺寶貝的生日甜品上插支爉燭,即使預早同佢講好放在那一個CAKE上,佢地依然可以放錯,
最意想不到的係,我地訂枱時話有寶貝生日,希望餐廳可以喺寶貝的生日甜品的碟上美言兩字,講句生日快樂,但佢地居然可以話當日寫字的配額己滿,(記憶中佢地回覆係每日寫十隻呢D碟…)我地再三要求,佢地仍然握緊宗指..OKOK..及後服務員居然話我地可以自己帶工具上去自己寫..聽到這裡,我真是完全放棄了…
相信係餐廳的員工對自己餐廳的出品相當有信心,所以才會有那種堅持~
令我大開眼界….感受良多~
(The above review is the personal opinion of a user which does not represent OpenRice's point of view.)
Post
