Lagom Kaffe (Closed)

今日黎到觀塘食呢間樂感，早前食過牛頭角既分店，今次就黎呢間試下，餐廳鄰近觀塘海濱，餐廳設有戶外同室內坐位，我地見入夜就冇坐出去啦。餐牌試既食物配搭令我都幾驚喜，中西合壁，我地叫左個穌炸海鮮拼盤、台灣牛肉千層麵、玉桂蘋果燕麥奶搖同埋綠茶蛋糕。晚市已經包左餐前麵包，鬆軟既麵包點場側邊既蒜味牛油，特別開胃，穌炸海鮮拼盤，有魚、蝦、魷魚同埋好似炸豆角，配埋有wasbi既蛋黃醬，新奇得黎又幾惹味，炸物又唔厚粉、脆口、入面既海鮮又大件，係幾抵食。再黎就係台灣牛肉千層麵，就係平時食開肉醬千層麵改為用辣牛肉碎釀係千層麵入面，食落幾有咬口，又惹味。飲品點左奶搖，即係奶昔，淡淡既蘋果味加上玉桂粉唔係太甜，就好似飲緊個蘋果批咁。甜品點左綠茶芝士蛋糕，唔係好甜，我最鍾意係蛋糕面果職醬，令成個蛋糕加分不少。食完又可以出海濱行下，下次一定會再黎，坐戶外既位置。