Video
Read full review
2017-11-01
1350 views
朋友話帶我食泰菜，個風景好特別喎，但相約喺尖沙咀?! 尖沙咀個風景可以有幾特別呢? 第一次嚟，去到二樓，一出𨋢原來別有洞天，室內同露台融為一體，望到好多大樹，好森林feel。啲樹係九龍公園啲大樹嚟架，喺樓下經過左無數次，估唔到樓上有咁嘅風景，好特別。我哋揀左露台位，夠晒開揚又熱鬧，好似去咗泰國食泰菜咁。當然最正係而家正值秋天，秋高氣爽，露台位張櫈又特別大size，一坐低已經覺得非常舒服輕鬆，可以放開懷抱大擦一餐。雖然只係平日，但無論露台同室內都坐滿晒人，室內室外之間冇阻隔，所以坐邊度都唔會感覺焗促。士多啤梨沙冰$58 - 鮮粉紅色本身就相當吸睛，仲加咗朵紫色花就更加嬌美。沙冰係用新鮮士多啤梨整嘅，味道天然，甜度適中。奇異果沙冰$58 - 呢杯顏色就冇咁吸引，不過都係用新鮮奇異果製作，味道真實。呢度啲沙冰都「冧」到高過隻杯，不過由於距離杯邊有少少距離，所以就算溶都唔會溶出杯外，唔怕飲到「Le咁hea」。食住泰菜飲鮮果沙冰，風味perfect match。爆炸蟹$398 - 味道有啲似避風塘炒蟹，分別就係佢加咗啲香茅令到成個感覺「泰式」咗。上菜嗰陣蟹殼已經打碎左，基本上唔駛點用鉗都食到，方
雖然只係平日，但無論露台同室內都坐滿晒人，室內室外之間冇阻隔，所以坐邊度都唔會感覺焗促。
士多啤梨沙冰$58 - 鮮粉紅色本身就相當吸睛，仲加咗朵紫色花就更加嬌美。沙冰係用新鮮士多啤梨整嘅，味道天然，甜度適中。
奇異果沙冰$58 - 呢杯顏色就冇咁吸引，不過都係用新鮮奇異果製作，味道真實。呢度啲沙冰都「冧」到高過隻杯，不過由於距離杯邊有少少距離，所以就算溶都唔會溶出杯外，唔怕飲到「Le咁hea」。食住泰菜飲鮮果沙冰，風味perfect match。
爆炸蟹$398 - 味道有啲似避風塘炒蟹，分別就係佢加咗啲香茅令到成個感覺「泰式」咗。上菜嗰陣蟹殼已經打碎左，基本上唔駛點用鉗都食到，方便進食。蟹肉鮮甜，可以見到啲蟹肉係一疏疏嘅，即係絕對新鮮。蟹蓋多膏，蟹件又多肉，連蟹腳都長過個鉗，真係好大隻。餐廳亦提供手套，不過我就徒手食，同隻蟹有親密接觸，有風味啲嘛，咁惹味嘅蟹食完仲可以吮埋手指。
新派美味老虎蝦$298 - 面頭係加咗忌廉嘅creamy咖哩汁，咖哩汁係偏向甜味。蝦好大隻，因為開左邊，反左啲蝦肉出嚟縮短左蝦身，事實係原隻蝦係有一支叉咁長! 多肉之外，口感爽彈，極之鮮甜，接近頭嗰邊仲有蝦膏，感覺就算唔落任何汁或調味，齋食鮮味都已經足夠咁。
鹽燒鰂魚$188 - 通常去食泰菜都會叫燒魚，我鍾意燒魚係因為香口得嚟又保持到鮮味。條魚新鮮，食落肉質嫩滑，肉汁豐富。稍為爭啲就係有啲餐廳會將好多香草塞喺魚身再燒，燒出嚟魚肉吸收香味，呢度就略嫌塞得唔夠多喇。
甜品我地叫左個芒果糯米飯$68 - 而家唔係芒果當造季節所以叫嗰陣店員提醒未必夠甜。唔理，照叫。其實食落又唔係爭好遠，糯米飯熱辣辣，夠粘又煙韌，蘸椰汁食夠晒甜蜜，口感好好。配合返個露天環境，又令我感覺到而家身處泰國度緊假咁。
除左一般泰菜外，呢度仲有生蠔配白酒set，泰式甜品tea set，啱晒鍾意三五知己一齊坐低輕食飲返兩杯嘅朋友。露台個大螢幕仲轉播英超賽事，比賽日相信會更加爆滿。
搵日要嚟食返個下午茶，悠閒咁過一個下午，爽!
Post
