Schnee German Restaurant (Closed)

約了好友放假中午來個飯局，朋友選了這間德國餐廳Book了1:30pm一起來試～一進去感覺良好，裝飾很有德國Feel，環境也不錯～坐Window Seat，位置寬敞。不久侍應送上餐牌，有Set Lunch，兒童餐及散叫的食品。我們決定散叫，下單時侍應好似覺得好出奇我地唔叫Set Lunch，話要去問下有冇得散叫個啲野食。咁佢問完返黎話有，咁再叫另一樣野，佢又要再去問，就話冇，最後叫左兩樣。本身以為德國菜Main Course份量很多，但原來份量比想像中小很多，不過打算食甜品，所以都Ok，食物味道是不錯的。一路食一路傾偈，到2:50Pm準備叫甜品，誰不知侍應說2:30Pm已經 last order左，但last order 前沒有通知。本來侍應想睇下我地想要咩甜品，但我見佢last order 左就問幾點落場，原來3點落場。所以就唔好麻煩佢地整了。因為在這裹營業時間沒有寫中間落場的時段，所以大家要留意啊。服務可改善得更貼心的話更好。