聖安娜餅屋 (Closed)

屋企人生日要買個唔太大既蛋糕, 上網睇晒幾間連鎖店, 一唔係太大就係口味唔啱心水. 揀左一輪都係聖安娜呢款最啱, 1磅左右, 而上網訂仲有折, 為到大約百鬆D蚊就買到.外邊D cream有顏色, 唔太甜亦唔會太多太漏.個餡係海綿蛋糕, 仲有生果餡, 同脆脆底, 海綿蛋糕好鬆軟, 唔會雪到硬實實, 脆脆底脆得剛好, 幾樣餡夾埋都非常好.面頭D生果唔算太多, 不過幾新鮮, 唔會太甜或太酸.成個蛋糕味道都好好, 啱晒唔同年紀既屋企人, 老人家唔會覺得太甜, 下次都會買番聖安娜.