Video
Read full review
2021-08-12
10929 views
同屋企人慶祝生日，今次又來食lunch buffet，呢間酒店嘅buffet，我大大話話都食過十多次，今次來到<Cafe on M>，覺得酒店buffet嘅菜式同之前對比，略為有所改動，但個人覺得更加啱我口味。三文魚刺身同白肉豚刺身都好新鮮，不過吞拿魚刺身入口個感覺有點粉，唔夠鮮甜。今次酒店供應嘅生蠔，size比以前大隻少少，多啲肉，質感好啲。海水味都有，但冇以前嗰啲咁鹹，我覺得味道反而更加好食，更加容易入口，亦有蠔嘅鮮甜味道。我哋食完一碟又一碟，好容易半打落肚。麵包蟹同其他冷盤海鮮都有好多選擇。中式蒸石斑魚，魚肉非常之嫩滑，我哋都食咗好多。今次最大回本菜應該是牛油煎焗龍蝦，酒店不斷refill，完全沒有冷場，煎出嚟嘅龍蝦，肉質都幾彈牙，而且每隻龍蝦都幾多肉，我覺得都幾好食。煎銀鱈魚肉質非常細滑，再來煎龍蝦配薯條。另外仲有自選即製庵列，還有烤雞槌，好啱小朋友食。泰式燒牛肉、沙律、蜆、翡翠螺同蝦等冷盤，味道都不錯。另外還有燒牛肉、烤乳豬、海南雞飯、點心、燉湯等等，熟食的各方面質素都唔錯，反而點心就一般般，冇乜驚喜。最令人失望的，今次竟然是甜品，因為甜品嘅選擇比以前少咗好多
三文魚刺身同白肉豚刺身都好新鮮，不過吞拿魚刺身入口個感覺有點粉，唔夠鮮甜。
今次酒店供應嘅生蠔，size比以前大隻少少，多啲肉，質感好啲。海水味都有，但冇以前嗰啲咁鹹，我覺得味道反而更加好食，更加容易入口，亦有蠔嘅鮮甜味道。
我哋食完一碟又一碟，好容易半打落肚。
麵包蟹同其他冷盤海鮮都有好多選擇。
中式蒸石斑魚，魚肉非常之嫩滑，我哋都食咗好多。
今次最大回本菜應該是牛油煎焗龍蝦，酒店不斷refill，完全沒有冷場，煎出嚟嘅龍蝦，肉質都幾彈牙，而且每隻龍蝦都幾多肉，我覺得都幾好食。
煎銀鱈魚肉質非常細滑，再來煎龍蝦配薯條。
另外仲有自選即製庵列，還有烤雞槌，好啱小朋友食。
泰式燒牛肉、沙律、蜆、翡翠螺同蝦等冷盤，味道都不錯。另外還有燒牛肉、烤乳豬、海南雞飯、點心、燉湯等等，熟食的各方面質素都唔錯，反而點心就一般般，冇乜驚喜。
最令人失望的，今次竟然是甜品，因為甜品嘅選擇比以前少咗好多，而且亦都唔係話真係好特別好好食，喺冇乜選擇之下，求其食咗幾件甜品，反而雪糕就有幾款選擇。
酒店餐廳同以往一樣都坐得好舒服，不過可能今日係假日，客人特別多，服務員實在比較繁忙。整體來講，餐廳嘅食物質素比以往高，值得再來。
Post
