東海堂 (港鐵旺角站)

Open Now

Now Closed

平日覺得東海堂既出品多數好過美心，雖然知道東海堂都係美心集團既成員，但係始終路線唔同，啲蛋糕都有唔同，而今次我覺得東海堂既新野都好一般，整體既水準都下降左，令我有啲失望。今次買左款花畑木糠芝士蛋糕，芒糍，同埋見佢幾平而買埋既伯爵茶布丁燒。個木糠芝士蛋糕既味道其實尚算可以，但係佢旁邊既忌廉係好多都碎曬出黎，再加埋個蛋糕本身有好多碎曬既木糠，又再加埋芝士既部份比較硬身又乾身，搞到整體口感同感覺都比較差又失望。至於個芒糍，我都好失望，特別個皮，本身東海堂既冰皮月餅既皮既質感差，而個芒糍既皮就正正係類似冰皮月餅，所以個皮其實唔好食，芒果肉唔算多，但係都可以講幾甜既，整體唔太出色。而令我最最最失望既莫過於係布丁燒，果刻終於明白點解個布丁燒會咁平啦，食第一啖已經唔想再食，直接就掉左，佢有好輕微既伯爵茶味，其他就係甜，成個布丁燒我就只覺得超級甜甜同甜。