Mo Mo Kushiage (Closed)

同朋友去左尖沙咀行街順道食午餐， 為免人多，揀咗樓上鋪。店內充滿濃濃日本風， 木製餐桌加上窗外透出微光， 令人有種溫暖感覺。京姬柚子檸檬先上一杯甜酒醒一醒胃， 我揀咗柚子檸檬，酸酸的， 果味濃， 酒精成份唔算多，易入口。秘製海膽醬凍豆腐豆腐豆味濃， 配上秘製海膽醬， 口感特別。沖繩苦瓜刺身沙律賣相好靚，沖繩苦瓜、車厘茄同三文魚刺身， 配搭得宜， 苦瓜一D都唔苦好清爽。午餐刺身五點定食有三文魚、帆立貝、大蝦刺身、蟹柳同三文魚子， 非常大舊，食材新鮮，大大滿足。 不得不提跟餐小吃南瓜沙律也非常美味。日式咖哩牛脷定食份量十足， 牛脷炆得好淋， 一貫日式咖哩風味甜甜地唔辣。關東煮五款最近天氣有啲涼意，最啱就食暖笠笠的關東煮， 湯底非常入味， 有牛肋肉串， 蘿蔔， 油豆腐， 板魚蛋，年糕福袋， 熱辣辣，好暖胃。燒白鱔非常厚身， 燒得啱啱好，外皮脆脆地，裏面肉質嫩滑。 用燒的方法烹調，完全食到魚本身的鮮味。