6 DEE米線屋

Open Now

Now Closed

初時見到呢間唔知乜嘢品牌嘅米線，見到佢環境幾光猛衛生，好奇嘅情況下入去試試。食咗米線咁多年，個湯底十分之重要，呢間記得食完第一次之後就覺得佢用心做湯底，因為有六款或以上可以選擇，新疆湯底令我印象嘅深刻，重重嘅香料味，好適合喺冬天食，另外佢嘅酸辣比較足料，開胃醒神，其他嘅就要慢慢再試，喺送方面嘅選擇唔算好多，得一般米線可以揀到嘅，我比較偏向食肉，所以會揀佢嘅豚肉片，豬肉牛肉都新鮮，肥牛份量對得住個價。佢嘅米線我係畀幾高分嘅，但小食我自覺就一般，豬扒同雞翼都太乾，亦唔太入味，蒜泥白肉味道ok，但係腩肉條邊，即係皮嗰個位好硬好難咬，其他小食都未食過喇，如果佢能夠將小食質量都改善埋，咁我覺得呢間係近年做米線比較出色嘅一個品牌。繼續加油，做好香港品牌👍🏽