飲嘢 (Closed)

由23/8等Openrice，終於幫我加左呢間鋪！係網上見到有人SHARE出黎，又係新開，所以去試下呢間飲野。間店係飲野既，又叫「飲野」，真係玩野。不過，有樣野大家要留意，佢既地址係大埔舊墟直街9號，唔好以為係大埔舊墟既「直街」到，真係有條街叫「舊墟直街」。去到間店，我好鍾意呢間店既間隔，佢門口係落地玻璃，而玻璃前就擺左圓形高既酒吧枱，望住街外，感覺好好！另外，都有平常枱櫈同埋梳化坐下。我地叫左「符碌茶」、「奶緹普洱」、「香脆雞粒」。「符碌茶」即係水果茶，佢就唔會好似「咖啡弄」個d咁濃味，佢就淡d，不過我認為係岩岩好，而且有d果香。「奶緹普洱」就用啤酒長杯裝住既，成杯係濃普洱，係上面加層cream，好似「貢茶」既「奶蓋」齋飲野好似寡左d，於是叫左「香脆雞粒」黎食。唔知係唔係食過「繼光香香雞」既原故，覺得香港既雞粒好似差少少。呢個雞粒個味係淡d，唔會放d味粉撈下，但有茄汁同介抹醬比你點。總結，飲野好飲，座位舒服，絕對要encore。