古琴雅苑 (太子集團中心)

Open Now

Now Closed

下午一點鐘一家大細，六個大人，一個小朋友+一個BB，地方唔算好大，但枱與枱之間有充足空間，唔會覺得好逼，地方乾乾淨淨，第一印象唔錯。我地叫左兩籠小籠包、一隻北京填鴨、一份至尊拼盤、一份瑤柱蛋白炒飯同埋一份粗炒，炒飯同麵冇影相，味道同樣都冇太大既特色，炒飯我覺得炒得唔夠香口，不過算比較清淡，唔會油膩，麵就比較油膩，但麵質幾好，有咬口。一開始已經先放左d前菜，花生同醃蘿蔔之類；點完菜成個上菜速度都算快，都唔洗點等，我最鍾意就係佢地壺菜——瑰荔堂煌（玫瑰荔枝紅茶），真係有好香既玫瑰，飲落亦真係飲到荔枝既香味，非常特別！