Video
Read full review
2009-02-02
18 views
先要感謝openrice，上個月寫食評佢送左三張$50既意粉屋coupon俾，呢個星期六放工就來左呢度食喇﹗9:00pm來到，難得的被安排在對著馬路的玻璃窗二人枱，我呢0的八卦地盤佬就最鍾意望街景，一路食一路睇最過癮﹗很多年沒有吃意粉屋，最記得就係佢既七彩玻璃燈罩，有型有款。都唔知食咩好，樣樣都想食，又有$150coupon支持，可以食得大一點﹗見佢有0的賀年套餐，於是點左個$248既恭喜發財套餐食0下﹗先來的是兩個露荀湯，未飲已聞到好香既忌簾同埋露荀味，入口味道未算濃郁，忌簾味較重，有不少露荀粒及帶子粒，清清地當頭盤也是不錯的選擇。飲完湯主菜到，先來一個醬燒豬仔骨，豬仔骨大件得不得了，足足有成隻長碟咁大，肉質鮮嫩帶炭烤香，醬汁微辣夠惹味醒神，味道很不錯﹗再來雞扒磨菇墨汁意大利飯，未食已嗅到陣陣的菇菌香，食落飯身軟糯帶有濃濃的墨汁香，雞扒亦大塊細切多件，燒得火喉恰到好處不乾肉身軟熟，工友最開心就係見到好多磨菇0係面﹗從意大利飯來說相比起對面的Tutto及尖咀的意大利餐廳，呢度做得更出色好味﹗最後成碟清哂﹗配埋餐茶埋單$270左右連加一，減左coupon即係一人幾十蚊就有得食，開心死﹗同
9:00pm來到，難得的被安排在對著馬路的玻璃窗二人枱，我呢0的八卦地盤佬就最鍾意望街景，一路食一路睇最過癮﹗
很多年沒有吃意粉屋，最記得就係佢既七彩玻璃燈罩，有型有款。
都唔知食咩好，樣樣都想食，又有$150coupon支持，可以食得大一點﹗見佢有0的賀年套餐，於是點左個$248既恭喜發財套餐食0下﹗
先來的是兩個露荀湯，未飲已聞到好香既忌簾同埋露荀味，入口味道未算濃郁，忌簾味較重，有不少露荀粒及帶子粒，清清地當頭盤也是不錯的選擇。
飲完湯主菜到，先來一個醬燒豬仔骨，豬仔骨大件得不得了，足足有成隻長碟咁大，肉質鮮嫩帶炭烤香，醬汁微辣夠惹味醒神，味道很不錯﹗
再來雞扒磨菇墨汁意大利飯，未食已嗅到陣陣的菇菌香，食落飯身軟糯帶有濃濃的墨汁香，雞扒亦大塊細切多件，燒得火喉恰到好處不乾肉身軟熟，工友最開心就係見到好多磨菇0係面﹗從意大利飯來說相比起對面的Tutto及尖咀的意大利餐廳，呢度做得更出色好味﹗最後成碟清哂﹗
配埋餐茶埋單$270左右連加一，減左coupon即係一人幾十蚊就有得食，開心死﹗
同工友事後講起，記得三五七年前吃意粉屋又貴又唔好食，三百多元兩個人吃一餐還有不少選擇，呢次食完感覺好左亦都覺得食物精緻及用心機左，是另一番的體會呢﹗
其實以意粉屋既裝修，佢較番暗少少燈，每枱加番支蠟燭仔，營造一個比較溫馨又浪漫的氣氛，我想可吸引更多情侶顧客，再加上佢而家0的食物好左，其實大時大節做多點點宣傳或優惠，相信不愁客路。
再一次多謝openrice，希望以後有多0的呢0的美食卷送俾我地就好了﹗
Post
