嘉豐茶餐廳

Open Now

Now Closed

今日心血來潮想食椒鹽豬扒飯，所以特登上黎慈雲山食嘉豐😋之前已經食過兩次，都覺得好出色，不過住慈雲山嘅朋友仔就同我講，佢有時嘅質素好參差，所以如果大家黎食，就要睇嗰日你好唔好彩啦！黎左三次，都係食佢最出名嘅豬扒😚個人認為椒鹽豬扒飯🍚好食過豬扒上海麵🍜🍚椒鹽豬扒飯 $51 🌕🌕🌕🌕🌑豬扒一啲都唔乾，肉質好嫩，唔會好瘦同好「諧」👍🏼但今次嘅豬扒就冇上次食咁外脆內嫩，表面相對淋少少，但都係好食嘅豬扒😛豬扒加埋表面嗰啲青紅椒同蔥一齊食仲正！😆個白飯就偏乾身🍚如果住慈雲山但又未試過嘉豐嘅，推介你地黎一試佢嘅椒鹽豬扒飯😗如果佢嘅質素可以再一致啲就更好啦！