豆豆麵包西餅 (Closed)

今日(11-2-2012 Sat)中午買完餸後,買啲麵包畀自己當lunch先,o黎到呢o度睇,見有豆沙燒餅同蛋撻,我行入去睇,夾一個$3.00o既咸芝麻卷,然後叫女店員幫我包起$2.05o既豆沙燒餅同$.00o既蛋撻各一件.畀完錢走人,裝住豆沙燒餅同蛋撻o既袋有水蒸汽,坐車時都嗅到啲蛋撻香,返到屋企影埋相就食喇,先食蛋撻,佢係曲奇皮,已經唔太脆,但蛋漿好有蛋香味同好滑,呢個唔錯.然後係豆沙燒餅,反轉睇睇,嘩!好少豆沙餡,面積大概同一個五蚊銀大,食落,燒餅皮煙韌,豆沙餡甜度適中,但真係太少喇!最後係咸芝麻卷,呢個正常咸咸香香咁,冇乜問題啦.服務:店員同收銀對顧客o既態度依然係毫無熱誠.