暖心芝作

Open Now

Now Closed

今曰第一次幫襯，買咗雪糕同菲林卷，盒菲林卷要等，叫我返轉頭拎。等咗一陣問咗兩次都未有，當時門口逼滿人，所以我企係門口較遠位置，到第三次入去問，佢態度勁差話已經嗌咗兩次我個number但我冇出現，所以將我盒野俾咗第二個……搞到我又要繼續等。我當時冇同佢嘈，費事嘥我時間同呢啲垃圾嘈。正常去一間外賣店或餐廳買外賣，個客行開咗正常係唔會將個客嘅外賣俾咗其他人，而係會幫個客hold起，呢間垃圾真係令人大開眼界，真係幫襯一次就夠，呢間野應改名叫「黑心芝作」比較適合。排咁耐仲要受佢氣，唔怪得咁多人北上消費啦。