紅茶冰室 (Closed)

本身返工中午食飯時間已經唔多，排隊已經排左10幾分鐘，有位之後一入去落去坐低就落單。等咗好耐，遲過我入嚟隔籬枱嘅人都有有嘢食，就問阿姐係咪漏咗單，佢叫我等吓，等咗一陣又有個阿叔過嚟問我寫嘢，我話我之前落咗單係咪漏咗單，佢又唔答我，態度勁差咁講：「總之而家up多次啦！」，我問係咪真係未整，未整嘅話我應該夠唔夠時間食，佢就好唔耐煩就講：「你講食咩啦！」之後我話我未整就算，起身走人買三文治。未食已經成肚氣，怪唔之得咁多香港人北上食嘢。