搞餃鎮

Open Now

Now Closed

難得興致勃勃想食餃子，專登打電話落單全部煎餃，點知拎到翻公司先見到其中一份比左份水餃咁我即刻打電話翻去講，店員唔好意思都無句不突止仲反問翻我「水餃你唔岩食咩？」 不如你地諗下點解我會落煎餃單呀好無呀？講野完全無水平，之後不停話自己好忙，無處理到個問題就收左我線，係收左我線呀！！呢個行為簡直火上加火，離哂譜之後我不停再打電話佢，打左6次先肯再接聽我第一句叫佢整翻個煎餃比我，店員不停話我係到同佢拗係無用，完全聽唔到我叫佢換翻份煎餃，再一輪咀係咁講佢幾忙！仲話我係咁處理得咁差架啦！咁既服務態度簡直100分添啦😊真係勝在有你呢啲店員！為左你，我專登註冊會員留言就係比呢個差評你反省下個衰態度啦，你都唔係第一次比人話態度唔奶架啦，唔想做就唔好做。