筷子記

Open Now

Now Closed

服務態度真係喺香港由細到大食嘅餐廳入面最差嘅。首先服務員叫我入餐廳啦，見到我開始入緊嚟之後就唔理我啦。由於嗰陣時餐廳幾乎坐滿，所以我以為佢會為咗餐廳坐多啲人，會要求我去坐特定嘅位置。咁我就問吓佢我可以坐邊度。佢就唔耐煩咁覆返我話：「咪坐嗰度囉，仲可以坐邊度啫？」。咁我就坐低。啱啱坐低，佢就喺隔離催我：「寫未啊？寫完就快啲俾我啦。」等到我寫完張紙之後俾返佢佢就係我背面嘅位置連續大聲不停問：「湯定撈麵？湯定撈麵？湯定撈麵？」我回答問題之後，佢仲要鬧返轉頭話：「問你你唔睬我。」大佬啊，你都要俾我時間答㗎？你連珠炮咁，我點攝入去？對待大陸遊客就柔聲細語，唔見你咁？食物方面湯底冇咩味。腩肉好乾好硬。其他正常。