Video
Read full review
2021-11-13
442 views
本身book咗位兩個人，備註講咗想坐榻榻米。雖然佢都講咗唔一定有榻榻米坐，但我兩星期前book都覺得應該會有。我就冇遲到嘅但係我朋友肚痛，佢已經飛緊的但係都係遲咗兩分鐘。我到嘅時候佢話如果朋友遲到就冇得坐榻榻米，我都打咗電話去催，不過最後都係遲咗兩分鐘，咁我諗住兩分鐘可以通融下，不過最後都係唔肯，咁算啦。佢安排咗一張好矮嘅大檯，而我成程都係好似踎喺度食咁，坐得極唔舒服。侍應嘅態度都唔係咁好，嗰陣只係11:35，坐低咗兩分鐘就催叫嘢食，而我哋每食完一樣嘢就趕住收嘢，但當時間餐廳都未坐滿。講下食物嘅味道，我叫咗紅酒和牛面頰肉，個汁相當普通，啲牛都整得軟嘅，都有牛味。而我朋友叫咗鯛魚茶泡飯，啲茶太少，有一半嘅飯都浸唔到，另外啲魚雖然滑但係太甜。另外我哋叫咗個培茶焦糖黑朱古力撻，呢個相對啲正餐就叫好少少，味道ok。我哋都一致認為餸嘅份量唔夠送飯，其實呢個價錢，午市加埋一都近$200一個人，坐榻榻米都叫環境好有加分，但坐呢啲矮凳矮檯就真係好唔舒服，我個frd 150cm都話唔舒服，味道普通，份量又唔夠，真係好唔抵，唔會再幫襯。朋友話呢個價錢，同呢個service、食物質素同環境唔成正比，呢個價出
侍應嘅態度都唔係咁好，嗰陣只係11:35，坐低咗兩分鐘就催叫嘢食，而我哋每食完一樣嘢就趕住收嘢，但當時間餐廳都未坐滿。
講下食物嘅味道，我叫咗紅酒和牛面頰肉，個汁相當普通，啲牛都整得軟嘅，都有牛味。而我朋友叫咗鯛魚茶泡飯，啲茶太少，有一半嘅飯都浸唔到，另外啲魚雖然滑但係太甜。另外我哋叫咗個培茶焦糖黑朱古力撻，呢個相對啲正餐就叫好少少，味道ok。我哋都一致認為餸嘅份量唔夠送飯，其實呢個價錢，午市加埋一都近$200一個人，坐榻榻米都叫環境好有加分，但坐呢啲矮凳矮檯就真係好唔舒服，我個frd 150cm都話唔舒服，味道普通，份量又唔夠，真係好唔抵，唔會再幫襯。朋友話呢個價錢，同呢個service、食物質素同環境唔成正比，呢個價出面兩個人都食到兩餐仲要好味啲。
Post
