Video
Read full review
2006-12-26
42 views
今早趁着紅假與家人一起飲茶，怎知飲到一肚氣！首先，老媽子開了四位茶後，發現是風口位，便想轉枱，嗰伙記就話唔轉得，好煩！咁老媽子唔吹得風，所以自己再找枱來轉啦！然後，就開始叫點心。點之，我哋舉咗點菜紙好耐，嗰副部長見到都冇回應，係，事實上佢幫緊另一張枱落單，但附近又冇其他伙記，咁佢仲要係副部長，照道理應該知要向我哋示意，等我哋知要等吓啦，佢不但冇咁做，仲要避開我哋d眼神。咁我哋都算啦，親自把點菜紙拿到佢面前，點知拎到去，佢又叫我舅父︰「你坐返埋去！」咁我舅父俾佢咁講，當堂臉目無光。轉頭嗰部長走過來，看看張紙就同我哋講︰「張紙(o麥)都冇填，點收呀！」其實只係冇寫枱號，咁我就話這些是佢填，叫佢講野態度唔好咁，咁佢話我點呀，我淨係話(o麥)都冇填ja。係又一單無禮貌的事件。再來，到點心來到了，來了一樣我無叫的點心，我就話我哋無叫喎。點知嗰個副部長拿住我哋叫嗰張點心紙走過來，指住咁話，拿，你哋畫咗架，二話不說就放下點心，連續講咗三次，係連續講，你哋畫咗架，好似來到證據捉犯咁。咁我就話你好高興喎。服務態度好的話，應該係問吓我哋叫錯咗，咁啱唔啱食，咁問先啱。佢不但無咁做，仲好大聲係我附近講是非，同
首先，老媽子開了四位茶後，發現是風口位，便想轉枱，嗰伙記就話唔轉得，好煩！咁老媽子唔吹得風，所以自己再找枱來轉啦！然後，就開始叫點心。
點之，我哋舉咗點菜紙好耐，嗰副部長見到都冇回應，係，事實上佢幫緊另一張枱落單，但附近又冇其他伙記，咁佢仲要係副部長，照道理應該知要向我哋示意，等我哋知要等吓啦，佢不但冇咁做，仲要避開我哋d眼神。
咁我哋都算啦，親自把點菜紙拿到佢面前，點知拎到去，佢又叫我舅父︰「你坐返埋去！」咁我舅父俾佢咁講，當堂臉目無光。轉頭嗰部長走過來，看看張紙就同我哋講︰「張紙(o麥)都冇填，點收呀！」其實只係冇寫枱號，咁我就話這些是佢填，叫佢講野態度唔好咁，咁佢話我點呀，我淨係話(o麥)都冇填ja。係又一單無禮貌的事件。
再來，到點心來到了，來了一樣我無叫的點心，我就話我哋無叫喎。點知嗰個副部長拿住我哋叫嗰張點心紙走過來，指住咁話，拿，你哋畫咗架，二話不說就放下點心，連續講咗三次，係連續講，你哋畫咗架，好似來到證據捉犯咁。
咁我就話你好高興喎。服務態度好的話，應該係問吓我哋叫錯咗，咁啱唔啱食，咁問先啱。佢不但無咁做，仲好大聲係我附近講是非，同佢d伙記指住我哋講，話我話佢好高興喎！係我係有講，但佢唔應該係客人面前講是非。
我就上前同佢講，第一，我老媽子要轉枱，你哋話唔可以，第一個唔啱。咁佢就話佢唔知，無人同佢講。咁我話佢作為副部長，佢的下屬有咁的問題，佢要知，佢要教！
第二，我舅父把點菜紙交給佢時，佢的態度差。咁佢話佢態度唔差喎。咁我重覆佢句說話，佢話佢無咁講，有咁講就天諸地滅。咁佢確實有講過，咁我就話佢要小心啦。點知佢大大聲同我講，你都要小心過馬路，睇車喎！哈，顧客至上？廢話。咁我話要見部長，佢話唔好，見經理啦，我唔怕。哈。
嗰經理都未聽我講件事，就話一人少一句，哈。咁我同嗰經理講佢下屬叫我過馬路小心d，嗰副部長就話你都收我小心d啦，哈。其他茶客就當睇戲咁睇啦。嗰經理竟然話佢下屬無錯晒，嘩，我當堂想笑。
我話佢係新一年將至叫我過馬路小心d喎，佢話你想點呀！擺明我耐佢哋唔(河)。佢接住話咁我抄咗佢。哈，咁講擺明隨口講。但我卻自然反應同個經理講，新年就唔好抄人，人哋都要養家。
而家我唯有係依到同大家講佢哋新年收派利的時候，就笑笑口。其他時候，有眼睇。餐茶仲要飲咗168元。
Post