興記菜館

Open Now

Now Closed

天氣轉涼就想食煲仔飯，上個月先食左隔離果間，於是今日今興記。一行五人叫左三個煲仔飯加三個餸，結果食剩一個飯。芋頭牛肉煲（$55）：芋頭夠粉，好味，牛肉就老咗啲。椒鹽軟殼蟹（$65）：炸物味道唔錯，份量略嫌少咗啲。蠔餅（$30）：份量比隔離舖細，可能因為咁，感覺足料啲。腊味煲仔飯，腊腸滑雞煲仔飯，咸魚肉粒煲仔飯：煲仔飯上嘅速度好慢，幾乎食晒啲餸先來到。而啲飯煮得未夠火喉，仲係好濕。令人失望嘅煲仔飯。嘢食算係過得去，但服務就...好趕客！！！有枱客倒瀉杯水，侍應阿姐一邊抹乾一邊鬧個客增加佢工作量。另一枱客一家四口食食下個媽帶一對仔女行開左，個侍應阿姐即刻執枱兼叫啲客去坐。個阿爸話佢知啲位有人，個阿姐鬧佢埋左單仲霸住啲位，雖然埋左單，但人哋追加果個煲仔飯先啱啱來。沒有最差，另一個阿姐一邊將啤酒放入雪櫃，一邊掉啲紙箱去通道，唔單只嘈仲差啲掉中個客。雖則話來得廟街食煲仔飯唔會對佢嘅環境同服務有太高要求，但都不致於咁差吧？！雖然我明好多客，啲阿姐做到好燥，但點都唔應該發泄喺客人身上，在坐嘅食客相信已經留咗壞印象。