Video
Read full review
2021-02-13
244 views
態度惡劣，服務勁差。睇食評見麻麻地，考慮去唔去食，但一場來到西貢都朝聖下啦。人多，大家都乖乖哋喺門口排隊，點知一行七人喺側面鼠入去就被人招呼，仲安樂咁坐低食，因二人限聚關係，七人就霸咗4張枱。我已經走上前話人哋冇排隊，但個侍應冇理，只係叫我等，我心諗咁鬼亂，但算啦咁繼續等。卒之有個阿姐走來同我講「樓上有位喎」，我都未反應得切，半秒後佢就準備帶後面三人上去，我話係我哋排隊先，跟住阿姐話我哋冇應佢，我火來了，原來頭先個五個字意思係「樓上有位，你哋上唔上去？」我話佢完全冇等我地答就已經帶其他人上去，好彩後面嗰三人都好，知道係我地排先，畀番我哋上去。阿姐不斷大大聲聲話係我哋冇應佢，我頂！上到去仲精彩，另一位茶水阿姐嘲諷我地話新年流流嘈咩鬼，我話係你哋職員亂咁帶位，當然講完走人仲理鬼我地咩。然後一個疑似經理的阿叔/伯過來了解發生咩事，我複述事情，佢hea我話「得喇明白喇喺我地唔啱」我回應話「咁你明咩？」跟住就話唔洗講喇，發老脾叫我哋走。原來當自己人服務態度惡劣，唔想回應咪唔做你生意囉。人哋米之蓮，大把客，洗乜尊重你😠
Post