大渣哥茶記 (Closed)

平時都唔寫食評，就算唔好食都唔想搗人米。但大渣哥呢個通常負責帶位既男職員態度真係好有問題，一次又一次受佢氣。一次叫佢拎辣椒醬，一次叫佢落order，d 面口衰到爆，好似唔應該叫佢幫手咁，佢兩次都係叫其他伙計做。野都未飲埋，就放出面排緊隊既客入黎，企係我地隔離想趕我地走。點知一上黎開飯睇，原來其他人都唔滿意呢個職員。仲以為係老闆，黎食lunch 好似欠佢咁，上網一search，話係食品部主管。無要求茶餐廳十分殷勤既態度，最少互相尊重！可以的話我真係唔洗呢位大哥serve 我地。如果大渣哥老闆睇到，麻煩你地同呢個職員溝通下，睇下佢係咪有咩委屈，做到咁不滿，幫助佢解決問題。食物再好食都無用，無一個人係要受你氣。阿X 哥你再係咁落去，我真係祝你地好生意呀！