Video
Read full review
2019-04-12
20 views
香港而家既服務態度真係…啲侍應態度極其差，話說我地8點令黎到，佢比我地個台冷氣大到我地吹到頭都痛諗住搵個侍應話調個位，但完全見唔到有人，而且我諗啲侍應係度行catwalk，完全係周星馳“你睇我唔到，你睇我唔到”到搵到個人同佢講想調入入面，我懷疑我地可能殺左佢父母，佢好惡咁喝令我地啲台要執好先入得去坐咁你地出返出面等，聽落真係好似好有待客既原則，但其實果張台都係爭墊台紙同啲碗筷啫，洗唔洗咁惡呀。都算啦，最後都坐低左畫好左野，又再一次無人理，Hello，其實我地見到你地行過嫁侍應…連追個菜都拎左成半個鐘，其實打邊爐啲野感覺都唔洗點處理，我唔明點解會洗冰菜洗左半個鐘。其中一個侍應好似無帶腦咁，問佢我地叫左個冰菜仲未黎，佢反應係:丫，係喎?(瞓醒未呀師兄)其實啲野食本身既味道都正常，唔係話突別好，性價比又唔算高。但最神奇既事就係我地前後叫左2兜冰菜，咁第二次果兜本身放係個車仔就無為意，食完拎起個兜先發現同原本第一次個兜爭勁遠，雖然我地係食到宵夜時段但我地果兜野係無折扣既。咁叫埋單咪順手問下個侍應，個呀叔勁呀，佢完全事不關己咁話:我都唔知點解喎。 跟住就衝走左…咁我地都未話好嬲，到另一個侍應佢拎
啲侍應態度極其差，話說我地8點令黎到，佢比我地個台冷氣大到我地吹到頭都痛諗住搵個侍應話調個位，但完全見唔到有人，而且我諗啲侍應係度行catwalk，完全係周星馳“你睇我唔到，你睇我唔到”
到搵到個人同佢講想調入入面，我懷疑我地可能殺左佢父母，佢好惡咁喝令我地啲台要執好先入得去坐咁你地出返出面等，聽落真係好似好有待客既原則，但其實果張台都係爭墊台紙同啲碗筷啫，洗唔洗咁惡呀。
都算啦，最後都坐低左畫好左野，又再一次無人理，Hello，其實我地見到你地行過嫁侍應…連追個菜都拎左成半個鐘，其實打邊爐啲野感覺都唔洗點處理，我唔明點解會洗冰菜洗左半個鐘。其中一個侍應好似無帶腦咁，問佢我地叫左個冰菜仲未黎，佢反應係:丫，係喎?(瞓醒未呀師兄)
其實啲野食本身既味道都正常，唔係話突別好，性價比又唔算高。但最神奇既事就係我地前後叫左2兜冰菜，咁第二次果兜本身放係個車仔就無為意，食完拎起個兜先發現同原本第一次個兜爭勁遠，雖然我地係食到宵夜時段但我地果兜野係無折扣既。
咁叫埋單咪順手問下個侍應，個呀叔勁呀，佢完全事不關己咁話:我都唔知點解喎。 跟住就衝走左…
咁我地都未話好嬲，到另一個侍應佢拎張單埋黎比我地埋，又問
我:點解我地叫兩碟菜爭咁遠呢個兜
佢態度勁串爭在未講粗口)你地叫唔同菜咪唔同囉。
我:我地叫一樣冰菜，無理由爭咁遠
佢:係咩?(個樣勁不屑)
佢拎完張信用卡，返轉頭拎黎簽我地又問佢真係覺得唔應該爭咁遠，欺騙顧客，其實如果佢好聲氣道歉就無事，點知…
佢:本身個兜係細呢個兜，而家你著數左啦，係個細兜之前用晒咪用個大兜裝比你囉，你著數左嫁啦!
我:叫經理黎啦！
佢:咩經理呀，你著數左仲嘈!
我:你叫咩名。
佢:我有私隱做咩要話你知。
咁正常人谷鬼氣就講左4字粗口
佢:你唔好講粗口呀，做咩講粗口鬧人呀。
此時一位似經理既人出黎仲話我地唔好阻住門口有客人。
呢間野blacklist。
冰菜個盤
6 views
0 likes
0 comments
Post
